وينو علي ربّ الحكي وداحي البواب
قبّة كأنّا نصّ شمس معلّقة
وبتصير تلمع متل سيفين التقوا
واحد سؤال الموت والتّاني جواب
قبّة كأنّا ضوّ ماشي بالزّمن
وبتنقرا متل الكأنّا كتاب!
وينو علي؟....
وينو علي يكشف عتم هاللّيل
ويقول للشّمس ارجعي
وللرّمح ضبّط وقفتك
وللخيل أوعا تفزعي....
وينو علي يقعد عا قوس المحكمة
ويشوف إنّو مايل الميزان
ويمدّ إيدو يعدّلوا :
آن الأوان.... وينو علي؟
شو موحش وفاضي المكان!
شعر : عصام العبد الله
