"جعيدية" وهي نوع من الشعر العفوي الساخر، نسبها د. مصطفى بزي في كتابه (من الذاكرة الشعبية) للشيخ محمد نجيب مروة وبالتأكيد هي ليست كذلك وبعيدة عن ذائقة الشيخ مروة الشعرية، ولكن المشهور انها لشاعر مسيحي قليل المؤنة الشعرية _على قدو_ قالها شامتا بالاعيان والبكوات والمشايخ الذين فرّوا عام 1920م إثر حملة نيجر الفرنسي على جبل عامل:
دخلك يا حادي الركبان/// عرّج ع جبل عامل
قلّو يا سيد الاعيان //// ليش بلادك محترقة؟
يا ما فرْش وطرّاحات/ وغْلال وأموال وطرش
أخذتوها من الساحات//وما شبعلو منكم كرش
لو شلتوها ع الراحات /// ما عد بدنا ها الرفقة
لو كان في عندك تفكير//// بالطلعات و بالنزلات
ما كنتوا وقعتوا بالبير// ولا تجرعتوا هالجرعات
قمتوا بلشتوا تكسير ///// بالجماجم و القرعات
و اللي بياكل حلو كتير//// لا بدّلو من شرقة
هذي مدينة بنت جبيل /// عنوان بلاد بشارة
اجاها نيجر بالليل /// وحكّم فيها الطيارة
وحكم عليها بالويل ///// وعلّمها كيف الغارة
أكَلِتْها كِمّ و ذيل/// شو كان بدها بهالعلقة
يا حيف ويا عيب الشوم//عا الابطال الممتازة
تتخبى بين الْكروم ////// عند حضور الوزازة
و لما رحلت فطّوم //// اخذت ابريق الطبازة
وحملت منشل مقروم///والصيصان مع القرقة
* البيك الكامل: يقصد كامل خليل بك الأسعد
