كتب الناشط KANDIL KANDIL :
باللهجه العامليّه، منستعمل الفعل "زرّق" بمعنى "فنتر" أو "بوّل" وهوّي فعل عاملي حصرًا. عم بحبش عن أصول هالكلمه وبيَّن معي إحتمالين:
- الأصل أرامي، من الفعل ܙܪܩ (زْرَق أو زَرِّق للمبالغه) الآرامي يللي بيجي بمعنى "رشّ" وإذا اتّاخد بحَرْفيّه بيطلع أصل المعنى طريف
- الأصل عربي، من الفعل "زَرَق" الطّيرُ أي رمى ما في بطنه
وكمان خرج ينذكر إنّو الفعل "زَرْنَق"، بمعنى الشّرب بلا المصّ من القنّينه أو البريق، هوّي من قرايب الفعل "زرّق"، أكيد من باب الصّرف مش النّشاط كيف؟
بيشتركو الفعلين بنفس الشّرش ز-ر-ق يللي برجّح أصلو الآرامي خصوصي بعد أخد الفعل "زرنق" بعين الإعتبار. هيك بيكون القاسم المعنوي المشترك هوّي الرشّ، بس كلّ فعل أخد وزن معيّن وانصبّ عليه.
ملاحظه: الفعلين الآرامي والعربي بالنّهايه عندهن نفس الأصل وبالتّالي بيتشابهو بالمعنى، التّرجيح بيصير عن الأصل المباشر للمفرده العامليّه
