حبيت يا اهْل الهوا لا تشمتوا فيّا - شعر نزار الحر 1967

الأستاذ نزار الحر ابن بلدة جباع، ومدير العلاقات العامة في المجلس الإسلامي الشيعي الأعلى أيام السيد موسى الصدر ، وهو واضع كلمات نشيد حركة أمل. 

شعر نزار الحر- ألحان حليم الرومي - غناء السيدة صباح : 

عاليادي اليادي اليادي يا بو العبادية
حبيت يا اهْل الهوا لا تشمتوا فيّا

بحب الاسمراني بالنظرة حيّاني
صبّحني ومسّاني وبالوردة رماني
قربني وهنّاني بعّدني وبكّاني
حبيت يا اهْل الهوا لا تشمتوا فيّا

ما في غالي متلو لا بعدو ولا قبلو
 لو غاب شو بعملّوا من بعدي يا دلّو
بيقسى و بحنلّو و كتير اشتقتلّو
حبيت يا اهْل الهوا لا تشمتوا فيّا

سهران الليالي عم غنّي موالي
 للمحبوب الغالي قلبو عني سالي
مال الهوا ومالي يا قمر يا عالي
حبيت يا اهْل الهوا لا تشمتوا فيّا