سكن العتابا - غازي عيسى

غير بقلب محبوبي ما ساكن
مهما البعض فتحولي مساكن
ويا اهل الحب يسعدلي مساكن
القمر عا جبينكم سوسح وذاب
انشالله يكونو عا السمع عشاقنا

للشاعر Ghazi Issa 

العتابا والميجانا - مختارات من شعر الأستاذ غازي عيسى

كتبت الشعر بإربع بناني 

 وقلعة للصدق الله بناني

انا ديني الوفى المذهب بناني
طائفتي الوعي تذكرتي ألأدب

يا ميجنا ويا ميجنا ويا ميجنا

يرحم موات لعرفونا ببعضنا
على بعدك يا ليلى الكاس قفيت
ويا مابنات حوريات قفيت
ماعمري يوم لمخلوق قفيت
وألك قفيت غنيلك طرب

يا ميجنا ويا ميجنا ويا ميجنا
ما في ولا كذاب بيجيب الهنا
أذا الكذاب صوبك مر مرة
ولعقلك يخرقو بكذبات مرة
وعلى بيتك إذا بيفوت مرة 
انكانت عامرة بتصبح خراب