عاقد ما بدك بقلبي تمقطعي
ومصّي بعيونك دمّ قلبي واشبعي
وشو همّني مهما عيونك يظلمو
ما زال عارف عاطفة قلبك معي
x
مدونة تهتم بجبل عاملة، بأعلامه وتاريخه وسيرة أبنائه من سياسيين وعلماء وأدباء وشعراء وصولا إلى الطرائف والروائع الأدبية المبثوثة في حناياه.
إظهار الرسائل ذات التسميات الزجل العاملي. إظهار كافة الرسائل
إظهار الرسائل ذات التسميات الزجل العاملي. إظهار كافة الرسائل
أحلى عتابا لباز الجنوب
من هو الشاعر الذي عُرف بباز الجنوب ؟
كثر ما مشيت بالدنيي وراكي 1على دروب الهوى تعبت وراكي 2كواني كيّ هجرانك ورا كيّ 3 وبقلبي لوهجت نار الغيااااب
(1 - خلفك - 2 الورك من الساق - 3 - من فعل كوى)
كل ما صوت أوجاعي دوالي 1 حبيبي بيركض يجبلي دوا لي 2 أنا بكرم الهوى عندي دوالي 3 عليها صاير زبيب العنااااب
(1- الصوت دوّى لي -2- دواء - 3- شجر العنب)
ضراس الندم - شعر زين شعيب
ضراس الندم : شعر زين شعيب
وبكرا متى بواب المنيّة تشرّعوا وتفتّحوا بوجّك شبابيك العدم بدّك تسبّ المال واللي جمّعوا وتقرقط العشرين عا ضراس الندم
نـقـطـة زيـت - شعر زين شعيب - 1959
اتركني اتركني ما بقا فيياسهر معك يا بدر ليلييمديّن لعينيي سهر ودموعوما عاد تحمل ديْن عينيي
يا بدر حاجي تغشني بالنوروتقول تا اسهر معك مجبوركل ما حنّيت عا عصفوروبدلّلو، بيطير من ديّي
كانو بقلبي وللعيون قرابوتا يفارقوني ما حسبت حسابواليوم صارو يمرقو الاحبابيستكترو رد المسا علييّ
ما ضل اسمر في زوايا بيتالا وناظم عن جمالو بيتباقي بهالقنديل نقطة زيتجايي يا سمرا سلّمك هيي
يا مالكي اغلى كنز من زينروحي اسألي عن بو علي الشعبينما خضع قلبي سوى لتنين« لشامة جبينك » والالوهيي
مجوّز، ولكن ما قدرت خونكولا بيبعد جناحي عن غصونكبسحب كلامي كرامة عيونكوبنام عا بواب العزوبيي
عتقتي بجمالك مثل شي خمرهكل ما تطول بترتفع نمرهولو ما السمر حلوين يا سمرهما كان رب الشاعريّه قيسانجنّ في سمرا عراقّيي
مجلة المسرح _ اذار ١٩٥٩
مجلة المسرح _ اذار ١٩٥٩
علي الحاج القماطي وشرب العرق
قال علي الحاج (القماطي) في شرب العرق :
محبّ العرق في شرعنا بياكل بدنْ
لو كان مثل النمر في الغابة ردنْ
و الحاج وحدو شذّ عن هالقاعدة
من بعد ما يسْكر، دخلْ جنّة عدنْ
عندي مناحة كربلا - شعر ابو عاطف الحاروفي
من حفلة قديمة مشتركة بين ابي عاطف الحاروفي و الشاعر الفلسطيني يوسف الحسون .
أبو عاطف الحاروفي:
إجا ت يشتكي من الحرّ رمضان (١)
لقي ع الدرب فرخ الديب رمّ ضان (٢)
عندِك عيد من أعياد رمضان (٣)
و أنا عندي مناحة كربلا
١_ عطشان
٢- (رمّ) أي أكل الذيب ضأنا
٣- الشهر الفضيل
تبغ الجنوب في ميزان ذيبة عباس الشعري
في تحقيق حول تبغ الجنوب ، والأسعار التي تعطيها الريجي، تباينت آراء المزارعين بين ساخطٍ وراضٍ..
إلا أن الحاجة ذيبة عباس وهي من المزارعات، كان لها ميزانها الشعري الخاص الذي يقيّم عمل خبراء الريجي، فقالت :
يـــا خـــبـــيــر الجـايــينا
ان شاالله السعر بيرضينا
زْرعـنـا و قْـطـفنا الدخّان
والشــظـايـا حــوالـيـــنــا
شكينا، حكينا، رفعنا الصوت
صــار الصــدى يــلــبّــينا
مُــرّة اللــقـمة كتير كتير
أكتــر مــن طعــم الكــيـنــا
من ارشيف ربيع يوسف
قصيدة زين شعيب في رثاء يوسف بك الزين - 1973
في المبارة التي جرت بين السيد محمد مصطفى والشاعر زين شعيب في تموز 1973 على أرض كفرمان، افتتح زين شعيب المباراة برثاء يوسف بك الزين :
يا يوسف بك يا زين الولايي ////// يا أول مَن رفع للعدل رايي/ة
ضريحك محكمة ونفسك سرايا /// السما مقابيل مقبرتك مرايي/ة
كـسـيـت بعصر تركيّـا الـعـرايـا //مسيحي ومسلم بذات الرعايي/ة
وعلى الرهبان وزّعت الهدايا //// متل ما عطيت بو لفّة وعبايي/ة
وفتحت المي وانعشت القرايا ///// وكفيف العين حمّلتو عصايي /ة
وبعد ما اغتالتك يد المنايا ///////////تركت اشبالك يكفّو الروايي /ة
بعصرك ما انسفك دمّ الضحايا //// ولا صهيون ربحتْ هالدعايي/ة
ولا كتروا الخنافس بالزوايا //// //////ولا نسواننا شلحو الملايي/ة
ولا فوضة ولا تشريكة قضايا ///// /////ولا حكومة أنا وانتو ورايي
شو بدي بعد إحكيلك حكايا //// ////// / بيكفي اللي حكيتهم كفايي/ة
بس بقول كلمة للرعايا /////////////اكتبوها ع ضريح البيك آيي/ة
كفرمان يا قناطر قوايا /////////// ////////بأول زين مكّنتي البنايي/ة
وبتاني زين فجّرتي الشظايا ////////////الزعامة والزجل فيكن تلاقو
بجوّ الزين رايح زين جايي
ناطور الحدود - شعر خليل شحرور
زارت عصبة الشعر اللبناني ، البطريرك مار انطونيوس بطرس خريش في بكركي، وكانت لكل واحد من العصبة أبيات وجّهها للبطريرك.
فقال أسعد السبعلي :
جينا ع جناح الايمان/// ع هالجو الروحاني
تيبارك بطرك لبنان/// عصبة شعر اللبناني
وقال محمد علي فتوح:
قلبك ما فرّق اديان////// الحب بيحكي بخفقاتو
اللي بيعرف بطرك لبنان /// بيعرف لبنان بذاتو
وقال خليل شحرور ابن الجنوب
جنوبك يا راعي الايمان/// وجودك بيقوّي وجودو
مين بدّو يغدر لبنان //////// وقلبك ناطور حدودو
فيق يا راعي - شعر زين شعيب - 1958
قصيدة للشاعر الكبير زين شعيب نشرها في مجلة المسرح عام 1958
فتّح عيونك، فيق يا راعي
مات القطيع وأنت مش واعي
من واجبك تسهر على الغنمات
واقف عا بابك ديب إقطاعي
لا تغيب يا راعي الغنم لا تغييب
وتنام وتخلي المواشي تسيب
ولا بتحرز يسيطر عليك الديب
كلّن ببيتك أربع شلاعي
استنجد بخيّك إنهض بجندك
هزّ العصا شمّر على زندك
كلها (سيرة) عنم عندك
ما عندك حصارات وقلاعي
اخدمني يا راعي بسّ هالمرّة
ديبك بياذي وعلقتو مُرّة
لو ما كرامة عنزتي العرّة
ما كنت لا بطالب ولا بداعي
من نعجتك سامع يا راعي صوتْ
ديابك إجو وخايف يفوف الفوتْ
يمّا انْشلني من نياب الموتْ
يمّا اتركني وهالدني مشاعي
لكن إذا عالضيم جفنك بات
وغْفِلْتْ عنّا بأحرج الأوقات
ما بيبقى بسيرة الغنمات
إلا رضاك وورقة الناعي
بلدة شحور تندب العلامة السيد عبد الحسين شرف الدين
بالحزن نلوي جيدنا... منذو فقدنا سيدنا
وكان من الأبلغ القول:
بالحزن نلوي جيدنا... لمّا فقدنا سيدنا
وقد رثا الشاعر الراحل محمد الزين السيد عبد الحسين شرف الدين (قده)، ببيتين من الندب قالهما امام أهالي شحور ايضا:
مات اللي كان بيمينو... بحر يروي القاصدينو
حامل أسرار الأئمة.... وكيف فيكون حاملينو
حامل أسرار الأئمة.... وكيف فيكون حاملينو
الصورة من محفوظات Reda Chamouni
بين علي الحاج القماطي و شحرور الوادي - مغدوشة 1938
محاورة زجلية بين: علي الحاج القماطي وشحرور الوادي في مغدوشة عام 1938م.
* علي الحاج القماطي - سيرة مقتضبة
* الخلافة من محمد لعلي - شعر علي الحاج القماطي بحق السيد محمد مصطفى
* لبنان يربك الخبراء - نحنا بجبل لبنان ثروتنا الهوا - شعر علي الحاج القماطي
* بكرا التراب بياكلك - علي الحاج القماطي
السيد محمد مصطفى : شاعر القوافي الصعبة والمسمار المغطّى
في مقابلة _عام 1981 _ مع الشاعر محمد مصطفى، سرد "السيد" بداياته في حومين، وكيف تفتّح وعيه على الإستماع لشعراء الزجل في زمانه :
* "عبد المنعم الفقيه" : عين قانا
* "عباس نجم" : حومين
* " الحاج أسعد خليل بعلبكي" : حومين
* "الطبوش" ؟ : كفرملكي
* "محمد طبنجة" : البابلية
* "موسى شريم" : حومين الفوقا
* " السيد محمد علي عيسى" : خاله من حومين
* "ذياب نجم" : شاعر ضرير قدير ، له قصيدة (سجن أهل الفن) مليئة بالألغاز حاول حسن شكر من عنقون حلّ رموزها في كتاب مطبوع!
* "الشيخ عارف الحر" : كان يقيم في حومين
* "محمود الحاج أسعد البعلبكي" : حومين
* " علي الحاج أسعد البعلبكي" : حومين
ويتابع السيد محمد مصطفى السرد، ويقول بأن والده أوصاه ألّا يسلك مسلك غيره من الشعراء، فصار يرغب بالمفردات الجديدة غير المسموعة، إضافة للقوافي الصعبة، وقد نهاه الشاعر "عباس نجم" عن هذا المنهج باعتباره لا يناسب الشعر الشعبي. ولكنه لم يمتثل قائلا: "الشعراء يعترفون أنني عميق، وقصائدي أثقل من غيرها وعندما أساجل شاعرا أجيبه بمسمار مغطّى" .
كان الشاعر السيد محمد مصطفى يحبّ المطالعة ويملّ من السياسة والصحف، كان عاشقا للحماسة وشعر الحب، قرأ التوراة ومقطوعات من الإنجيل. كان مغرما بفتاة مالت عنه وتركته فكتب هذه القصيدة وهو يرعى البقر :
لماذا ميّ ما رحمت فتاها
وصدّت بعد وصلٍ ما دهاها
أعذرٌ في الصبابة كان منّي ؟
أم التعذيب طبعٌ في هواها ؟
أذنبٌ في الصبابة كان منّي
ازال نعيم وصلِ الحبّ عنّي
يعيبُ بهاؤها الواشي وإنّي
أراها الشمس تطلعُ في سماها
غصّة الشاعر محمّد العبد الله
عندي إلك من خيبتي قصّة
كان ناقصك إبعث معك عالقبر هالغصّة
قاعد بممشى صغير ببيروت
عم بنطر ولادي يا بو الولاد
وما أبعدا الخيام عن بيروت
قلتلنا من شي سنة رح موت
معليش بستنّى ................
ت تدبرولي مطرحة منيحة
................. و أعرف نام
مترين أرض بمقبرة الخيام
الحدّاء علي هيدوس - من مقال للراحل سعيد الصباح
من أرشيف وضاح جمعة _ جريدة النهار 1992 :
ينقل الأديب سعيد الصباح أن الحداء علي هيدوس الحداء علي هيدوس، شارك ايام الإستقلال عام 1943 في مظاهرة ضمّت أهالي بنت جبيل والقرى المجاورة معتليا صهوة جواده مردّداً أمام المتظاهرين :
العرب بالسيف تحمي ضعونها
ما يجوز الحمى الناس تخونها
تخيّب يا إده ما نك رئيس
ولا انت خرج الرئاسة ولا أنت زبونها
وفي انتخابات العام 1957 تواجه عبد اللطيف بيضون و علي بزي المدعوم من الرئيس أحمد الأسعد، فقال الحدّاء علي هيدوس مناصرا عبد اللطيف ونادما على مناصرة الأسعد فيما مضى :
يا ما شرنا عالخيول
متل عنتر كنّا نجول
يا قطعنا جبال وسهول
يا حياني عاهيك التعب
وفي مطلع الستينات انتقل علي هيدوس واستقرّ في الغبيري وعمل في التجارة وبقي يتردد على صديقه النائب عبد اللطيف بيضون
ممنوع طلقة نار ع حدود الجنوب - شعر أحمد شعيب - 1970
قالوا افرحوا وانسوا المآسي والخطوب
بكرسي نظام جديد غفران الذنوب
جاوبتهم يا شعب من أغبى الشعوب
شوفوا الطفالى والحريم على الدروب
ويا أهل شبعا اسألوا اللي عم ينوب
و اللي بأفيون الوعد عزّوا القلوب
مليون طلقة بإهدن لْعين الرئيس
وممنوع طلقة نار ع حدود الجنوب
الشاعر أحمد شعيب - تشرين اول 1970
ديوان صرخة الشاعر - علي الحاج بعلبكي - 1953
ديوان صرخة الشاعر
للشاعر الحوميني الكبير علي الحاج بعلبكي
صدر عام 1953
التحميل مباشرة من هذا الرابط - 3 ميغا
شعر علي الحاج البعلبكي
علي الحاج البعلبكي ينعى إقليم التفاح - قصيدة
بتعرف منطقة التفاح
فيها الحالة ما بتنطاق
وفيها ممنوع الاصلاح
مش صنعة ربّ الخلّاق
مغدوشة وصربا وحومين
عنقون و زيتا وجرجوع
جباع ابنعفول ورومين
ما بيشفى منهم موجوع
علاج الرحمة محرومين
الممروض بيقضي مفجوع
وكل ما نادوا الله يعين
يشدّوا الحبل عْلى الخناق
وطنبوريت ودرب السيم
العربان، الشلقة و النهر
وقنّاريت، إركي تقيم
عبئ الحكم؛وحكم الدهر
وبين العين وبين الميم
صفوها كبش المحراق
من ديوان صرخة الشاعر _ علي الحاج بعلبكي_ 1953
شعر علي الحاج البعلبكي
الدنيا بين مودّع وملاقي - شعر علي الحاج بعلبكي
صورة من ديوان (صرخة الشاعر) 1953 - علي الحاج بعلبكي :
من رسمي ومن أخلاقي
رمز الماضي و الباقي
بين مودّع و ملاقي
أنظر أيضا :
قصيدة العباوي في رثاء أحمد بك الأسعد - 1961
قصيدة الشاعر قاسم العباوي مرفوعة إلى فقيد البلاد ، سليل بني وائل المرحوم أحمد بك الأسعد:
ما لي أرى شمس الهدى تبكي القمر
بعيون ذوّبها الأسى مثل الرماد
هذي الصفات بتلتقى وبتنحصر
في روح أحمد بك سلطان البلاد
----------------
بعزّيك يا لبنان في اشرف فقيد
في بيْ كامل قول لا حول ولا
حامل رسالة خير والمولى شهيد
من والدو وجدّو ظهرها عالملا
ما عرفت بوفاة الزعيم بهيك عيد
في كل بيت و دار وقعة كربلا
-----------------
بيضل اسمو مسك عالناس وعبير
و الشعب عهالدار باقي مرجعو
هذي مبادينا عا منجهنا نسير !!!
لو مات أحمد بيك، كامل موضعو
------------------
قاسم العباوي: السيد قاسم محمد ترحيني، وُلد في بلدتنا عبا عام 1922. من شعراء الزجل المشهورين في زمانهم، غنى مع جوقة الكروان، ثم مع جوقة العتابا، وله حفلات مع الشاعر زين شعيب والكثير من الحفلات في أعراس القرى الفلسطينية تناقلتها الذاكرة الجماعية. صدر له (مقتطفات من شعر قاسم العباوي) عام 2001.
----------------
القصيدة من محفوظات الدكتور يوسف كلوت
الاشتراك في:
الرسائل (Atom)